مشكلة حد عزيز عليا اوى
ممكن نساعده
دى مشكلته
كنت مرتبط ببنت وكنا بنحب بعض جدا فضلنا كدة لفترة حوالى 3 سنين بنحب بعض
وكنا زمايل فى الدراسه وكنا بنكمل بعض وبنخاف على بعض لدرجه ان درجاتنا كانت متقاربه جدا ان لم تكن متساويه وكنت بلاقى فيها كل حاجه انا محتاجها من حب وطيبه وحنان وجدعنه
وكان ليا صديق كان هو اقرب اصحابى وكنت بشكيله همومى وكان اعز اصحابى
فجاءة لقيته اتغير من نحيتى وبدأ يبان من تصرفاته انه بيحقد عليا علشان هى بتحبنى انا
وهى كمان بدأت تتغير فجأة وبدأت تتمرد عليا فانفصلنا عن بعض اسبوع واحد
انا قلت اللى كان بينا دة اكبر من اى شئ وان بينا رابط قوى فقلت اروح واصالحها
لقيتها بتتكبر عليا وفجأة لقيت صاحبى جاى وبيكلمها وبيهرجوا مع بعض وكأن مش موجود ومبصوليش حتى بعنيهم
فقررت انى انفصل عنهم نهائيا
اتفرقنا كلنا حتى واحد صاحبى تانى قاللى انها سابته
فضلت حوالى سنه من الموضوع دة مش حاسس باى تعب
وفجاءة جالى تليفون من رقم غريب
برد لقيتها هى بتقولى ياريت نرجع لبعض تانى واللى كان بينا مستحيل يتنسي
انا رديت وقلت لها اننا مننفعش حتى اصدقاء
المشكله انى لسه جوايا حب ليها
وبمجرد اتصالها بيا فتحت جرحى القديم ولقيت نفسى لسه بحبها زى الاول بس كرامتى عندى بكل شئ
اعمل ايه وانا حاسس انى بحترق من جوايا وانى لسه بحبها ؟؟؟؟
ياريت تساعدونى فى اتخاذ قرارى